Zulfiqor ruh

Shavkat Rahmon XX asr o'zbek adabiyotining zabardast namoyandalaridan biridir. Uning she'riyati - o'lmas she'riyat. Bu she'riyat inson yuragini har gal larzaga solib yuboradi, aqlini shoshiradi, o'ylashga undaydi. Shoir ijodi bilan ilk bor tanishayotgan kitobxon mutolaa cho'g'ida sezgilarini noziklashib, tuyg'ularini o'tkirlashib, tevaragiga, odamlarga, voqea-hodisalarga qarashlarini teranlashib borayotganini his etadi. Mutolaa bitgach esa tuyg'usi o'zi yo'q yaryoy topa olmay qoladi. Sababi, shoir o'zi aytgan gapga na qadar chin ko'ngildan ishongan bo'lsa, uning so'zi bilan amali bir ekaniga o'quvchi ham shu qadar ishonadi. Chunki Shavkat Rahmonning so'zi tirik, so'zida o'zi tirik! Chin she'riyatni sog'ingan she'rxonga ushbu kitob muborak bo'lsin!