ZULMATDAGI SALTANAT

Yozuvchi O‘tkir Abdurahimov “Zulmatdagi saltanat” asarida sobiq sho‘ro davrining mahfiy olami – insoniyatga xiyonatga teng murakkab bo‘lgan jinoyatchilar dunyosini qalamga olgan. Sho‘rolar o‘rnatgan hokimiyatni zulmatdagi saltanat edi desak, ko‘p ham adashmasak kerak. Asarni o‘qir ekansiz, halol, mehnat qilib charchamagan va hech qachon mehnatdan qochmaydigan, oriyatli bir insonning qanday qilib jinoyatchilar olamiga tushib qolgani va hamda ularning yetakchilaridan biriga aylanganligi tarixi bilan tanishasiz. Jinoyat olamidagi ko‘p iste’dod egalari taqdiriga boqib, o‘z zamonasining yetuk insonlari bo‘lishi mumkin edi-ku, degan o‘ydan qalbingiz allanechuk bo‘ladi. Bugungi mustaqillik zamonamizga shukronalar aytasiz.