AloqaBank — davlat tili ustuvorligini ta’minlash yo‘lida
🏦 Bugun AloqaBank ofisida tilimiz jonkuyarlari, ziyolilar va jamoatchilik faollari ishtirokida tadbir bo‘lib o‘tdi. Unda bankning davlat tilida ish yuritish yuzasidan amalga oshirayotgan islohotlari va loyihalari taqdimoti o‘tkazildi.
✔️ Ta’kidlash joizki, AloqaBankda bankning muhr va tamg‘alaridan tortib, ish qog‘ozlari va axborot matnlarigacha davlat tilida rasmiylashtirilishiga alohida e’tibor qaratiladi.
💠 Bank muassisligidagi “AloqaVentures” kompaniyasi o‘zbek tilida tahrir va tarjima ishlarini osonlashtiruvchi “Tilmoch” startapini moliyalashtirgan. Hozirda ilovadan minglab insonlar foydalanishmoqda.
⚫️Qolaversa, AloqaBank bosh ofisida zamonaviy kutubxona ochilgan bo‘lib, undan 1500 nomdagi jami 4500 dan ortiq kitob mavjud. Kutubxonada 50 foiz o‘zbek, 35 foiz rus va 15 foiz ingliz tilidagi kitoblar jamlangan. Ularning orasida dunyoning turli shaharlaridan keltirilgan qimmatli adabiyotlar ham bor.
⭐️ AloqaBank ma’muriyatining davlat tiliga yuksak e’tibori va ma’rifiy loyihalarga xayrixohligi olqishga sazovor.
