Bankda ishlagan shoir
✅ Mashhur modernist shoir, adabiyot bo‘yicha Nobel mukofoti sohibi Tomas Sternz Eliot 1917-1925-yillar mobaynida Lloyds bankining Kolonial va xalqaro aloqalar departamentida faoliyat olib borgan.
✅ “Xo‘p, shunga shunchami?” deyishga shoshilmang. Eliot o‘shanda ham nomi chiqib ulgurgan shoir edi. Do‘stlari unga oyma-oy pul to‘laydigan homiylar topishadi va evaziga bankdagi ishini tark etib, faqat ijod bilan shug‘ullanishini so‘rashadi.
🔅 Ammo u bankdagi ishi o‘ziga yoqishini, ijod bilan shug‘ullanishga vaqti borligini, qolaversa, doimiy daromadni tashlab, homiylarga mute’ bo‘lishni istamasligini aytib, taklifni rad etadi.
📎 Uni butun dunyoga tanitgan “Bepusht zamin” (1922) dostoni aynan Lloyds bankida ishlagan yillari yozilib, nashrdan chiqqan. Shoir bu dostonini ba’zida tushlik vaqtlari, ba’zida ishdan keyin o‘tirib qog‘ozga tushirgan.
🎤 Eliot yangi ochilgan nashriyotdan bosh muharrir lavozimida ishlash taklifini olgach, 1925-yilda bankdagi faoliyatini yakunlaydi. So‘nggi ish kunida hamkasblari unga “Kelasi dushanba ham ishga kechikmasdan kelishingizni xohlardik” degan hazilomuz xat yozishadi.
✔️ Oradan yillar o‘tib, 1948-yilda sobiq bank xodimi Tomas Sternz Eliot adabiyot bo‘yicha Nobel mukofoti bilan taqdirlanadi.
