Bozor boʻlsa…
Azim Toshkand quchog‘inda qaniydi she’r bozor bo‘lsa
Va unda she’r — aruz, barmoq tekin pulga hazor bo‘lsa.
Kirib nochor faqir tolib, g‘azal birlan qilar tushlik,
Topar zo‘r zavq-u shavq anda hayotdan kim bezor bo‘lsa.
Va puldor boshi bo‘shliqlar, quyonday bari boshliqlar,
Po‘sht aroba degich sherday beminnat mardikor bo‘lsa.
Va bir yonda atir, moshin, sharob, fas-fud do‘konlardan
Qochib butkul yashinmakka qorong‘u bitta g‘or bo‘lsa.
Tiriklik ma’nisi qayda, to‘rt tamoning supermarket,
Yoning avqot, so‘ling lash-lush, tumshug‘ingda mozor bo‘lsa.
Shuningchun bul bozor shartdir xalos etmoqqa millatni,
Umidkim — oqibat, urfon, diyonat bunda bor bo‘lsa.
Ahli she’r zo‘r tavoze’ga bo‘lib duchor, boy-u beg‘am,
Muharrir to‘q, munaqqid shod, firibgarlar gadoy bo‘lsa.
Ahli tolib tekin topgach kitobni, go‘shtga pul g‘amlab,
Tamoq ham totigach ul-bul, zora kamroq ozar bo‘lsa.
Bozordan topsa nur, shafe’, nazm birlan qonib shoyad,
Jamoat ilm-u urfonda fazogirdan o‘zar bo‘lsa.
Umidlar bo‘lg‘usi barbod, ikovlon topmagay obro‘,
Moʻysafid lol-u hayrondir, navis Erkin Bozor bo‘lsa.
©️ Erkin Bozorov
