Notanishdan qoʻngʻiroq ul “Xushxabar!” deb nido qildi
Kimligin sir tutib pul yutganimdan ibtido qildi.
“Olish istar esangiz” der, “Karta raqam yuborgaysiz,
Hamda sizga borar kodni ayting” deb iddao qildi.
Shul zahot kampirim quvnab, bozorlik roʻyxatin tuzgach,
“Xushxabar” keltirgan ushbu notanishni duo qildi.
Men aytdim: “Kampirim, shoshma, qopqondadur tekin pishloq
Firib ahli qancha-qanchalarni kafangado qildi?”
Ishonmas kampirim menga, kartasin ham hozirlaydi
Meni mukofotdan kechar goʻl, aqli noraso bildi.
“Axir menga sendan ortiq mukofot yo'q” deb “aldarman”,
“Ham menga bul mukofotni bandasimas, Xudo qildi”.
“Tilponingga kelar kodni soʻrsa kimki, firibgardir”
Tushuntirdim kampirimga, tushungandek sado qildi.
Moʻysafid aytadur, doʻstlar, boʻling ogah firiblardin.
“Xushxabar”chim fosh boʻlganin bilib jim alvido qildi.
©️ Mulla Jiring
