“Kal” gʻazal
Xalqimizning “Soqqani saqla!” degan naqli bor.
Pullarini “kal” qilib qo‘ysa kimki — aqli bor!
Holbuki, ummon orti yurtida bir keksa chol
Sochi malla telpag-u tuturiqsiz jahli bor.
Bir be’mani gap bilan o‘ynatadi “kal”ni ham
Muvozanatdan chiqar boymi, yupun — ahli bor.
Do‘ppini boshdan olib o‘ylasa, Amriqoning
Puli chiqsa-yu tushsa, bizga nima daxli bor?
Soqqani saqlamoqning tilloga teng xillari,
Sarmoyali yo‘llari eslanishga haqli, bor.
“Kal”-ku kam, bori bog‘liq “malla”siga, o‘rtog‘im...
G‘azal bitdi, Mo‘ysafid, tur, uyingga vaqtli bor.
©️ Mulla Jiring
