KREDIT BERG‘UVCHILARG‘A NOMA
Manim har oy kreditg‘a pul to‘lashdek farzim bor,
Borim ship-shiydon etg‘ong‘a bir g‘azallik arzim bor.
Dedim anga mani qo‘ygil, o‘zgalardan foiz ol,
Dedi bu oyda siz ila yopilmagan darzim bor.
Tilim qisiq, bo‘ynim bukuk qo‘shni, qondosh yonida,
Ayo do‘stlar, manim shundoq g‘arib hayot tarzim bor.
Goho MIBdan, goho suddan kelur uyg‘a nomalar,
Bir amallab jo‘naturman, axir halol lafzim bor.
Faryod ichinda nechalab manglayimg‘a urarman,
Ikki qo‘limdan chiqmag‘an g‘aribono qarsim bor.
Siz ham kredit olingiz, qiynalmayin man yolg‘iz,
Keling, kreditdosh do‘stim, sizga ajib darsim bor.
Ey Moʻysafid, dersan mudom banklarg‘a ming sallamno,
Bugun mana hatto itdan bir suyakka qarzim bor.
©️ Mulla Jiring
