QISHKI XARID
Qimmati arzonidan mato bilan farq qilar,
Balki tikilishdagi xato bilan farq qilar?
Bu ketishda xaridlar bizni qarzga gʻarq qilar,
Havo ham aynib birdan, koʻkda chaqmoq charq qilar.
Jiddiy aytsak, sotuvchi nega buncha narx qilar?
Molini Magʻrib emas, balki Uzoq Sharq qilar?
E’tiroz yoʻq — mahsulot tokchada yarq-yarq qilar,
Bahosi men shoʻrlikning maoshimni sharh qilar.
Osmonoʻpar narx meni matohga befarq qilar,
Moʻysafidning boshi xam, doʻkonni ham tark qilar.
©️ Mulla Jiring
