SERTA’MA GʻAZAL
She’rda pul yoʻq, yerda pul yoʻq,
Gar pul boʻlsa ilhom kelur.
“Shef” xohlasa, oʻrtoqlashar
Xohlamasa shayton kelur.
Shoir yollar — lek ming dollar
Bermay qadni qilar dollar
Shu ham pulmi, eh a’yonlar,
Kelsa bitta “Iphone” kelur.
Bir qalamim bordir manim,
U ham sinsa yonar tanim,
Sababi shu yozmaganim:
Xayolga boʻsh hamyon kelur.
Hech yoʻq manga yuz ming tanga
Tashlab qoʻying bank kartamga,
Keyin anga teyinmang-a
Yoʻqsa, she’rim yolgʻon kelur.
Kambagʻallik — kam dagʻallik,
Demay bering soʻm aqalli,
Pulsizlik-ku zoʻr kasallik,
Pul bor, belga darmon kelur.
Osh yeb qorin bir toʻysa deb
Gʻazal bitdi bu Moʻysafid,
Oʻlmay turar, ayting qani,
Gonarari qachon kelur?
©️ Mulla Jiring
